البارح في الليل ما فهمتش كيفاش لقيت روحي نتفرج على قناة 21 في الفقرة الأخيرة من برنامج أخبار البلاد! يظهرلي باش إنولي ديما نتفرج خاطر حقيقةً فرصة لا تعوض باش الواحد يضحك و اشيخ و يشوف الاستبلاه إلى أي درجة ينجم يوصل في بلاد البنفسج !
الفقرة الأخيرة تحدثت عن مكسب جديد أضيف لمكاسب مواطني بلد الفرح الدائم : نادي الأسرة الذي فتح أبوابه في جهة المنزه! هل نادي الخشين ياسر يتكون من ثلاثة فضاءات :
- فضاء اللقاءات : عبارة على قهوة عادية جداً : كراسي بلاستيك موزعة فوق شبه جنينة معشبة والجموع مبنكة تتكيف!
- فضاء فيه حمام عصري و سونا و قاعة تجميل للنساء !!!
- الفضاء الثالث والأخير يعتبر ثورة في حد ذاته و من المستحيل باش تلقالو مثيل في دولة أخرى مهما كانت متخلفة : فضاء النوادي !!!
أيا يا سيدي شد عندك : أول ما تدخل تلقى باب مكتوب عليه جملة بالمعنى هذا (خسارة ما نستحضرهاش و ما لقيتش قلم بحذاية باش نكتبها!) نادي حل النزاعات العائلية والتشجيع على الزواج ! تحت هل جملة الرقيقة تلقى مستطيل من البلور يمكنك باش اتشوف اشنوا قاعد يصير في الغرفة إلي ما فيها كان طاولة و ثلاثة كراسي. معناها اتصور كان راجل ومرتو قررو باش يمشيو للنادي لإستشارة خبير نفساني وإلا إجتماعي يبداو لعباد الكل اشوفو فيهم كيفاش داخلين إل هل بيت !!! خاصة إذا عرفنا إلي الحجرة الملاصقة تحمل إسم : نادي منابر الشباب !
في هاذي عبرو!!! ماهي لاموضة عاد توة : يا سيدي فما كي العادة طاولة و ستة كراسي : زوز حمر وأربعة بيض. أما العبقرية تتمثل في أنو هل غرفة مقسومة في ثنين : من جهة طاولة النقاشات الشبابية ومن جهة أربعة وإلا خمسة أجهزة لتقوية العضلات محطوطين في أربعة متر مربع ويفصل ما بيناتهم زوز حواجز للريح (*) معناها أهوكا العقل السليم في الجسم السليم ومحلاه النقاش الشبابي عندما يكون أثناء استنشاق ثاني أكسيد الضبوط المنبعث من الجانب الأخر.(**)
الغرفة التالية هي مقر نادي المواطنة والثقافة الحقوقية : ثلاثة طواول كبار وشبعة كراسي ونخليكم تتخيلو شنوا إنجم إصير في وكر كما هذا !
الغرفة الموالية تحمل إسم نادي تعليم الكبار : سبورة وبوستارات أما ما ذابيا نعرف نسبة أمية الكبار في جهة كيما المنزه !!!
بطبيعة الحال كل نادي يحتوي على صورة لصاحب النظرة الإستشرافية وهكا يحس الأعضاء برعاية سيادته المطلة من نظراته الحنونة تحفهم وترعاهم أثناء مزاولتهم لأنشطتهم !!!
يبارك في ترابك يا تونس قداش إتكركر واتجيب...
(*) paravent
(**) All rights reserved BTBالفقرة الأخيرة تحدثت عن مكسب جديد أضيف لمكاسب مواطني بلد الفرح الدائم : نادي الأسرة الذي فتح أبوابه في جهة المنزه! هل نادي الخشين ياسر يتكون من ثلاثة فضاءات :
- فضاء اللقاءات : عبارة على قهوة عادية جداً : كراسي بلاستيك موزعة فوق شبه جنينة معشبة والجموع مبنكة تتكيف!
- فضاء فيه حمام عصري و سونا و قاعة تجميل للنساء !!!
- الفضاء الثالث والأخير يعتبر ثورة في حد ذاته و من المستحيل باش تلقالو مثيل في دولة أخرى مهما كانت متخلفة : فضاء النوادي !!!
أيا يا سيدي شد عندك : أول ما تدخل تلقى باب مكتوب عليه جملة بالمعنى هذا (خسارة ما نستحضرهاش و ما لقيتش قلم بحذاية باش نكتبها!) نادي حل النزاعات العائلية والتشجيع على الزواج ! تحت هل جملة الرقيقة تلقى مستطيل من البلور يمكنك باش اتشوف اشنوا قاعد يصير في الغرفة إلي ما فيها كان طاولة و ثلاثة كراسي. معناها اتصور كان راجل ومرتو قررو باش يمشيو للنادي لإستشارة خبير نفساني وإلا إجتماعي يبداو لعباد الكل اشوفو فيهم كيفاش داخلين إل هل بيت !!! خاصة إذا عرفنا إلي الحجرة الملاصقة تحمل إسم : نادي منابر الشباب !
في هاذي عبرو!!! ماهي لاموضة عاد توة : يا سيدي فما كي العادة طاولة و ستة كراسي : زوز حمر وأربعة بيض. أما العبقرية تتمثل في أنو هل غرفة مقسومة في ثنين : من جهة طاولة النقاشات الشبابية ومن جهة أربعة وإلا خمسة أجهزة لتقوية العضلات محطوطين في أربعة متر مربع ويفصل ما بيناتهم زوز حواجز للريح (*) معناها أهوكا العقل السليم في الجسم السليم ومحلاه النقاش الشبابي عندما يكون أثناء استنشاق ثاني أكسيد الضبوط المنبعث من الجانب الأخر.(**)
الغرفة التالية هي مقر نادي المواطنة والثقافة الحقوقية : ثلاثة طواول كبار وشبعة كراسي ونخليكم تتخيلو شنوا إنجم إصير في وكر كما هذا !
الغرفة الموالية تحمل إسم نادي تعليم الكبار : سبورة وبوستارات أما ما ذابيا نعرف نسبة أمية الكبار في جهة كيما المنزه !!!
بطبيعة الحال كل نادي يحتوي على صورة لصاحب النظرة الإستشرافية وهكا يحس الأعضاء برعاية سيادته المطلة من نظراته الحنونة تحفهم وترعاهم أثناء مزاولتهم لأنشطتهم !!!
يبارك في ترابك يا تونس قداش إتكركر واتجيب...
(*) paravent
